மக்கா கிளாக் டவர்

நாம் சும்மா 5 நிமிடம் ஆச்சரியத்துடன் அண்ணாந்து பார்த்து விட்டு குனியும்*

சவுதி அரேபியாவின் மெக்காவில் உள்ள கிளாக் டவர் என்ற கட்டிடம்

அப்ராஜ் அல் பைத் என்று இதற்கு பெயர். 

புல்மன் ஜம்ஜம் மக்காஹ் ஹோட்டல். 

இந்த கட்டிடத்தில் உள்ள கோபுரம் சவூதி அரேபியாவின் மிக உயரமான கட்டிடமாகும். 

601 மீட்டர்: 1,972 அடி

மொத்த பரப்பளவு 

32,000 சதுர மீட்டர் ஆகும்.  

ஐக்கிய அரபு எமிரேட்ஸ் துபாயில் உள்ள 

புர்ஜ் கலீஃபாவை விட 

உயரம் குறைவானது தான் . 

வளாகத்தின் தளம்

கிங் அப்துல்-அஜிஸ் கேட்டில் இருந்து-மஸ்ஜித் அல் ஹராம் வரை அமைந்துள்ளது. 

காஃபாவிற்கு வருகை தரும் மில்லியன் கணக்கான பக்தர்களுக்கு தங்குவதற்கு இடமளிக்க,

இந்த வளாகத்தில் உள்ள மிக உயரமான கோபுரத்தில் 

ஐந்து நட்சத்திர ஹோட்டலும் உள்ளது. 

தி க்ளாக் டவர்ஸில் 

ஐந்து அடுக்கு ஷாப்பிங் மால்

தி க்ளாக் டவர்ஸ் ஷாப்பிங் சென்டர் 

உள்ளது. 

ஆயிரத்துக்கும் மேற்பட்ட வாகனங்களை நிறுத்தும் திறன் கொண்ட பார்க்கிங் வசதி உள்ளது.

கட்டிடம் 2006ல் 734 மீட்டர்: 2,408 அடி உயரம் கட்ட திட்டமிடப்பட்டது. 

2009ல் இறுதியாக உயரம் 

601 மீட்டர்: 1,972 அடி என்று தீர்மானிக்கபட்டது.  

சவுதி அரேபியாவின் மிகப்பெரிய கட்டுமான நிறுவனமான 

சவுதி பின்லாடின் குழுமத்தால்

(ஆமாங்க, நம்ம பின் லாடன் பாய்தான்) இந்த வளாகம் கட்டப்பட்டது.  

இதன் கடிகாரத்தை அமைக்க:

ஜெர்மன் டவர் கடிகார உற்பத்தியாளர்

பெராட் ஜிஎம்பிஹெச் & கோ.  

KG Turmuhren & Läuteanlagen அவர்களால் நிர்மாணிக்கப்பட்டது. 

இந்த திட்டத்திற்கு 15 பில்லியன் அமெரிக்க டாலர்கள் வரை செலவாகி இருக்கலாம். 

இந்தத் கடிகாரம் கோபுரத்தின் நான்கு பக்கங்களும் முகங்களைப் கொண்டது.  

கடிகாரத்தின் மொத்த உயரம் 

57 மீ = 187 அடி. 

4 பக்க கடிகார முகங்களுக்கும் சற்று கீழே

மீடியா காட்சிகளுக்கு என 

டிஜிடல் திரை உள்ளது 

43 மீ × 43 மீ =141 அடி × 141 அடி இவை உலகிலேயே மிகப் பெரியவை.  

கடிகாரங்களின் கூரை 

தரையில் இருந்து 

450 மீ =1,480 அடி

உயரத்தில் உள்ளது, 

கடிகாரத்தின் மேல் ஒரு கோபுரம் சேர்க்கப்பட்டுள்ளது, 

அதன் மொத்த உயரம்:

601 மீ =1,972 அடி. 

கடிகார முகங்களுக்குப் பின்னால், 

ஒரு வானியல் கண்காட்சி உள்ளது.  

இஸ்லாமிய மாதங்களின் தொடக்கத்தில் சந்திரனைப் பார்ப்பதற்கும் இதை பயன்படுத்துகிறார்கள்.  

ஒரு அறிவியல் மையம், 

The Jewel என்ற பெயரில் உள்ளது.

இதற்கு கட்டணம் செலுத்தி போய் பார்க்கலாம். 

 25 கிலோமீட்டர் =16 மைல் சுற்றளவு தொலை தூரத்தில் இருந்து கடிகாரத்தை பார்க்கக்கூடிய வகையில் வடிவமைக்கப்பட்டு உள்ளது.  

தரையில் இருந்து 400 மீ =1,300 அடி உயரத்தில் உள்ள கடிகாரம் உலகின் மிக உயரமானதாகும்.  

 கடிகாரத்தின் நான்கு முகங்கள் ஒவ்வொன்றும் 43 மீட்டர் = 141 அடி விட்டம் கொண்டவை 

மற்றும் 

2 மில்லியன் எல்இடி விளக்குகளால் ஒளிர்கின்றன, 

நான்கு ஓரியண்டட் விளிம்புகள், கடிகாரத்திற்கு சற்று மேலே பெரிய அரேபிய ஸ்கிரிப்ட் வாசகத்துடன்: 

வடக்கு முகத்தில்:

"இறைவன் மிகப் பெரியவன்" 

என்றும்  

தெற்கு 

மேற்கு 

கிழக்கு முகங்களில்:

"அல்லாஹ்வைத் தவிர வேறு இறைவன் இல்லை. 

முஹம்மது ஸல் இறைவனின் திருத் தூதர்"

என்றும்,

டிஜிடல் எல்ஈடி எழுத்து ஒளிர்கிறது. 

எல்லா மூலைகளிலும் 

தூண்களில் நான்கு தங்கக் குவி மாடங்களும் உள்ளன.  

கடிகாரத்தின் உச்சியில் பொருத்தப்பட்டிருக்கும் சவூதிக் கொடியானது,

இஸ்லாத்தின் ஐந்து நேரத் தொழுகை :ஜமாத் நடப்பதை குறிக்கும் வகையில்,

பச்சை நிறத்தில் ஒளிரும்.  

புத்தாண்டு போன்ற சிறப்பு சந்தர்ப்பங்களில், 

21,000 பச்சை மற்றும் வெள்ளை செனான் பல்புகள் மற்றும் எல்.ஈ.டி விளக்குகள் ஒளிரும். 

அன்றைய ஐந்து பிரார்த்தனை நேரங்களுக்கான அழைப்பின் போதும்.  

40 பெக்கான் விளக்குகள் ஒளிரும். 

அற்புதமான லைட்டிங் எண்ணற்ற முறையில் பல கலர்களில் பல லேசர் ஒளியில் பல் வேறு மாற்றங்களை காட்டும்.  

உலகிலேயே மிகவும் வலிமையான நான்கு லேஸர் ஒளிக் கதிர்கள் 

30 கிலோ மீட்டர் தொலைவுக்கு வானத்தில் ஒளியை வீசுகின்றன.  

கடிகாரத்தின் நான்கு முகங்களும் 98 மில்லியன் கண்ணாடி இழைகளால் மூடப்பட்டிருக்கின்றன.  

டயல்களுக்குப் பின்னால் ஒவ்வொரு கடிகாரத்தின் மையத்திலும் சவுதியின் “கோட் ஆஃப் ஆர்ம்ஸ்”

காட்டப்படுகிறது.  

நிமிட நேர முள் 23 மீட்டர் = 75 அடி நீளம் கொண்டது. 

மணி நேர முள் 18 மீட்டர் = 59 அடி நீளமும் கொண்டது.

கடிகாரம் உள்ளூர் மெக்கா நேரத்திற்கு அமைக்கப்பட்டுள்ளது. 

மக்காவிற்கு அருகில் விமானங்கள் அனுமதிக்கப்படுவதில்லை

ஆனாலும் 

எதிர்கால பயன்பாடு கருதி உச்சியில் ஹெலிகாப்டர் தளம் அமைக்கப்பட்டுள்ளது. 

உச்சியில் பிறை பார்க்கும் நவீன வசதிகளை கொண்ட தளம் உள்ளது. 

இதன் மேல் உச்சியில் உள்ள பிறை துபாயில் பிரிமியர் காம்போசிட் டெக்னாலஜிஸ் நிறுவனத்தால் ஏப்ரல் 2011ல் கட்டப்பட்டது. 

அந்த பிறை ஆப்டிகல் ஃபைபர் கண்ணாடி இழை ஆதரவு கொண்ட மேல் பூச்சு தங்கத்தால் ஆனது, 

மேலும் இதன் எடை 35 டன்கள். 

90 மில்லியன் ஐக்கிய அரபு எமிரேட்ஸ் திர்ஹாம்கள் செலவில் மூன்று மாதங்கள் எடுத்து கட்டப்பட்டது.

இந்த பிறையை மக்காவிற்கு கொண்டு வருவதற்காக,

அதை 10 பகுதிகளாகப் பிரித்து கொண்டு வரப் பட்டது.

பின்பு அது 5 பகுதிகளாக குறைக்கப் பட்டு கடிகார முகத்தின் அடிப்பகுதியில் அதை ஒன்று சேர்த்தார்கள். 

அந்த ஐந்து பகுதிகளும் 

2011 ஜூன் 20 

முதல் 

ஜூலை 6 வரை 

கிரேன்கள் மூலம் உயர்த்தப் பட்டு கோபுரத்தின் உச்சியில் நிலை நிறுத்தப்பட்டது.

மினாரட் மற்றும் அதன் அடிவாரத்தில் சக்தி வாய்ந்த ஒலிபெருக்கிகள் உள்ளன, 

அவை பிரார்த்தனை அழைப்புகளை 

(பாங்கு) 7 கிமீ தூரம் மற்றும் 

தோராயமாக 160 கிமீ பரப்பளவில் ஒலிபரப்புகின்றன.

-அலிமாலிக் பீர் முஹம்மது